УКМК 2021-жылдын 29-мартында Баткен облусунун Лейлек районунун Жаштык айылынын жанында жайгашкан кампага жана ага жакын жердеги «BS-Petrol» май куюучу жайына тинтүү жүргүздү. Натыйжада, күйүүчү-майлоочу материалдарды ташуу үчүн салондоруна атайлап жасоо жолу менен контейнерлер орнотулган «Ssang Yong Musso» жана «Opel Zafira» автоунаасы кармалды. Бул тууралуу УКМКнын басма сөз кызматы билдирди.
Маалыматка ылайык, кармалган унаалар УКМК чек ара кызматынын «Кайрагач» текшерүү пунктуна жеткирилип берилген.
«Азыркы учурда фактылык жагдайларды жана контрабандага тиешеси бар адамдарды аныктоо боюнча ыкчам-тергөө иш-чаралар жүргүзүлүүдө», — деп берилет маалыматта.
