Эл аралык террористтик уюмдун мүчөсү кармалды. Бул тууралуу УКМКнын басма сөз кызматы билдирди.
Маалыматка ылайык, 2009-жылы Ооган-Пакистан конфлигинин аймагына кетип, ал жерден Өзбекистан ислам кыймылы «ӨИК» эл аралык террористтик уюмдун катарына кошулган, ислам мамлекети «ИМ» эл аралык террористтик уюмдун мүчөсү, Ю.А.Р. аттуу КРнын жараны мекенге кайтып келе жатып кармалды.
КР Кылмыш-жаза кодексинин (1997-ж.) беренелеринин 226-4 1-бөлүгү, 299-1 3-бөлүгү, 375 2-бөлүгү боюнча козголгон кылмыш ишинин алкагында, 2022-жылдын 6-декабрында Ош шаардык соту тарабынан Ю.А.Р.ды КР УКМК тергөө камак жайына бир айга камакка алуу түрүндөгү баш коргоо чарасы тандалды.
Шектүү интернет мейкиндиктеринде «ИМ» ЭТУнун ишмердүүлүгүн чагылдыруу үчүн медиа-террордук иш-аракеттерди да жүргүзүп келгендиги аныкталды.
Учурда ыкчам-иликтөө иш-чаралары жүрүп жатат.
