Сот системасындагы коррупцияга каршы иш-чаралардын жүрүшүндө акча каражатын опузалап алуу фактысы боюнча Ош шаарынын жактоочусу кармалды.
Маалыматка ылайык, ал алдамчылыкка шектелген кардарынан сот бийлигиндегилер менен байланышы бар экенин, маселени оң жагына чечип берээрин айтып 350 миң сом өлчөмүндөгү акча каражатын талап кылган.
Кардар бул тууралуу атайын кызматка кабарлап, чара көрүүнү суранган.
Жыйынтыгында жактоочу пара алып жаткан жеринен кармалган. Учурда тергөө абагына киргизилип, териштирүү иштери жүрүп жатат.
