Украинада аскердик операция башталгандан бери 2 миллиондон ашуун адам өлкөдөн чыгып кетти. Бул тууралуу БУУнун Качкындар боюнча Жогорку комиссары Филиппо Гранди твиттерге жазды.
“Бүгүнкү күндө Украинадан чыгып кеткендердин саны эки миллионго жетти. Эки миллионго”,- деп жазды ал.
БУУдан билдиришкендей, Украинадан Польшага 1,2 миллиондон ашуун адам чыгып кеткен. Ал эми Венгрияга чыккандардын саны 191 миңге жетти. Словакияга 140 миң, Россияга 99 миң, Молдовага 82 миң, Румынияга 80 миңден ашык, башка Европа өлкөлөрүнө 200 миңден ашуун жаран чыгып кеткен.
