Украинадагы Кыргыз жарандарын Бишкекке учак менен акысыз алып келүү уюштурулду. Бул тууралуу Кыргызстандын Украинадагы элчиси Идрис Кадыркулов соцтармактагы баракчасы аркылуу билдирди.
Маалыматка караганда, акысыз учак 16-март күнү учат. «16-мартта шаршемби күнү, Польшадан Кыргызстандын Тышкы иштер министрлиги уюштурган акыркы бекер учак учурулат, ошондуктан, бардыгыңыздарды Львов шаары аркылуу Польшага өтүп кетүүнү сунуштоо менен бирге, Украинанын аймагынан чыгып кетүү керек экендигин баса белгилейбиз. Львов шаарына бекер эвакуациялык поезд, же болбосо, такси жана автобустар менен келсеңиздер болот»,- деп жазды ал.
