Кыргызстандык суучул Владислав Шулико бүгүн, 27-августта саат 15:00дө рекорддук сууда сүзүүнү жыйынтыктады. Бул тууралуу 7-каналдын кабарчысы жеринен түз чагылдырууда.
Анын айтымында, ал тереңдиги 668 метрди түзгөн Ысык-Көлдүн 181 километрин сүзүп, рекордду жаңылаган. Финиш Балыкчыда болду.
Эске сала кетсек, суучул Владислав Шулико мындан беш күн мурун, тагыраагы 22-августта Ысык-Көлдү сүзүп өтүү рекорддук аракетин баштаган.
Учурда рекордсменди тосуп алууга чогулган эл аны боорсок менен тосуп алышты. Ошондой эле башына кыргыздын ак калпагын кийгизишти. Суучулду тосуп алууга 7 облустун тургундары чогулушуп, “Азаматсың” деп сүрөшүүдө.
