Опузалап акча талап кылуу фактысы боюнча изделип жаткан жаран кармалды. Бул тууралуу УКМКнын басма сөз кызматынан билдиришти.
Маалыматка ылайык, Б.И.М. аттуу жарандан опузалап акча талап кылып, издөөдө жүргөн 1984-жылы 25-июнда туулган Ош облусунун тургуну Т.У.С. кармалды.
Белгилей кетсек, Т.У., БАЭде жана Дубайда жүргөндө К.Асанбектин атын пайдаланып, Б.И.М.ге жана анын туугандарына карата физикалык зомбулук көрсөтөм деп коркутуу жолу менен жабырлануучудан 2 миллион рубль өлчөмүндө «Уурулардын жалпы фонду» кирешесине акча талап кылган. Эгер төлөмдөн баш тартса, Б.И.М.дин ата-энесин жана балдарын өлтүрөм деп коркуткан.
2021-жылдын 12-ноябрында У.Т.нын шериги З.Б., акча алып жаткан жеринен кармалып, КР УКМКнын тергөө абагына киргизилген.
2022-жылдын 11-майында У.Т. КР Кылмыш-жаза кодексинин 208-беренесинин 3-бөлүгүнүн 2-пунктунда каралган кылмышты жасагандыгы үчүн (сыртынан) айыпталган.
Учурда бул кылмыш ишине тиешеси бар башка адамдарга карата тиешелүү тергөө жана ыкчам иш-чаралар жүргүзүлүп, КР Министрлер Кабинетине караштуу Жазаларды аткаруу мамлекеттик кызматынын №1 тергөө абагына киргизилген.
Посмотреть эту публикацию в Instagram
