Венесуэлада күчү 6,2 баллга жеткен жер титирөө болду. Бул тууралуу жергиликтүү маалымат булактары жазышууда.
Маалыматка караганда, жер титирөө болжол менен 3,7 млн калкы бар Сулия штатына жакын жерде сезилди.
Европа-Жер Ортолук деңиз сейсмологиялык борбору билдиргендей, жер титирөө 244 миң тургун жашаган Валера шаарынан 68 чакырым түндүк-батышта жана 60 миң 500 жашоочусу бар Мене-Гранде муниципалитетинен 24 чакырым түндүк-чыгышта орун алды.
Жердин силкинүүсүнүн кесепетинен жабыркагандар жана кыйроолор тууралуу маалымат азырынча айтыла элек.
