Ырчы Анжелика «Даңазалуу доор» сериалындагы башка каармандардын бири Хюррем Султандын ролун аткаркан Мерем Узерлини кыргыз сериалына тартылууга чакырды.
Ырчы Анжелика Кайратовна Мерьем Узерлинин катышуусунда өтүп жаткан маалымат жыйында “Кыргыз сериалына тартылуу сунушун кабыл аласызбы?”, — деп суроо узаткан.
Ал эми Мерьем: “Башка өлкөнүн маданиятына кирип, роль жаратууга каршы эмесмин”, — деп жооп берген.
Бүгүн борбор калаада жаңы кинодолбоордун бет ачары болуп өттү. Asian World Film Festival жана Айтыш USA компаниясы Түркиянын Стамбул шаарында жыл сайын өткөрүлө турган Asian Region TV Series Awards сыйлыгынын негизделгенин жарыялашты.
Долбоордун бет ачарына «Даңазалуу доор» түрк сериалынын Хюррем Султандын ролу менен таанылган белгилүү немис-түрк актрисасы Мерьем Узерли келди.
