Ырчы Бекжан Темирхан кабылган кырсык боюнча Чүй милициясынан маалымат беришти.
Маалыматка караганда, 10-ноябрь күнү болжол менен саат 22:00 чамаларында Бишкек-Торугарт унаа жолунун 9 чакырымында болгон. Анда Мерседес бенц үлгүсүндөгү унаасы менен 1997-жылы туулган У.уулу Т. аттуу айдоочусу күн батыштан күн чыгышты көздөй катуу ылдамдыкта бара жатып, унаанын рулуна ээ боло албай жолдун оң жагындагы тосмону сүзүп, андан соң жолдон чыгып оодарылып кеткен.
Жол кырсыктын кесепетинен жүргүнчү 1995-жылы туулган Б.Т. каза болуп калган. Ал эми айдоочу Кемин районунун аймактык ооруканасына жеткирилген.
