Ырчы Гүлназ Чыныбек кызы Маданияттын мыкты кызматкери наамын алды. Бул тууралуу ырчы айым социалдык тармактагы жеке баракчасы арркылуу билдирди.
«Сүйүнчүү! КРнын маданиятынын мыктысы төш белгиси менен сыйлашты. Ушул күндөрдү насип кылганына шүгүрлөр болсун! Аз да болсо «маданиятка салым кошуп жатат» деп эсептеген Маданият министрлигине ыраазычылык! Өлкөбүздүн маданияты өркүндөсүн , өссүн!», — дейт ал.
Ошондой эле Чыныбек кызы аталган сыйлыкты апасы өзгөчө күткөнүн айтат.
«Апам бул сыйлыкты аябай күтүп жаткан эле. Дароо сүйүнчүлөгөнү бардым . Бардык ийгиликтер ата-энебиздин батасынын артында. Ата-энелер аман болсун!», — деген билдирүү калтырган.
