Ысык-Ата районунда бир нече уурулукка шектүү жарандар кармалды. Бул тууралуу Чүй ОИИББинин басма сөз кызматынан билдиришти.
Маалым болгондой, 2020-жылы январдын аягында Ысык-Ата районунун ички иштер бөлүмүнө Кант шаарынын жашоочусу кайрылып, түнкүсүн көп кабаттуу үйлөрдүн биринен велосипедин белгисиз бирөөлөр уурдап кеткенин билдирген. Бул окуя кылмыштардын жана жоруктардын бирдиктүү реестрине Кыргыз Республикасынын Жазык кодексинин 200-беренеси (Уурдоо) боюнча катталып, сотко чейинки өндүрүш иштери башталган.
Териштирүү учурунда жогорудагы уурдалган велосипеддин үлгүсү Кыргызстанда аз санда болгондугу жана айрым бөлүктөрү атайын жасалган болгондугу аны издөө иштерине чоң мүмкүнчүлүк түзгөн. Териштирүү учурунда уурдалган велосипед өткөн жылдын жай айларында интернет аркылуу башка адамдарга сатылып кеткен. Милиция кызматкерлери тарабынан жүргузүлгөн иш-чаралардын натыйжасында жогоруга кылмышка шектелип, 2002-жылы туулган Н.А. жана Г.Д. аттуулар кармалышкан.
Териштирүү учурунда кылмышка шектүүлөрдүн 6 уурулук фактысына тиешеси бар экендиги аныкталган. Учурда сотко чейинки өндүрүш иштери улантылууда.
