Ысык-Ата районунда уурулукка шектүү жаран кармалды. Бул тууралуу Чүй облустук милициясынын басма сөз кызматы билдирди.
Маалыматка ылайык, ушул жылдын 3-январында Ысык-Ата РИИБине 1986-жылы туулган А.Н. аттуу жаран арыз менен кайрылган. Анда, үйүнүн алдында токтоп турган унаасынын аккумуляторун белгисиз бирөөлөр уурдап кеткенин билдирген.
Бул факты Кылмыштардын бирдиктүү реестрге катталып, териштирүү иштери башталган.
Жүргүзүлгөн ыкчам иштердин негизинде 1996-жылы туулган Х.О. аттуу жаран кармалып, шектүүнүн ушул сыяктуу дагы 3 кылмышка тиешеси бар экендиги аныкталган.
Учурда шектүүнүн дагы башка кылмыш иштерине тиешеси бар же жок экендиги боюнча териштирүү иштери жүргүзүлүп жатат.
Сотко чейинки өндүрүш иштери улантылууда.
