Ысык-Ата районунда уурулукка шектүү жаран кармалганын Чүй облустук милициясынын басма сөз кызматы кабарлады.
Маалыматка ылайык, Ысык-Ата РИИБине бир нече жаран арыз менен кайрылып, анда автоунаа тетиктерин, темир түтүктөрүн, темир отургучтарын жана мүрзөдөгү темир отургучтарды белгисиз бирөөлөр уурдап кетишкенин билдирген.
Жүргүзүлгөн ыкчам издөө иштеринин натыйжасында 1982-жылы туулган С.М. аттуу жаран кармалып, тергөө кызматына өткөрүп берилген.
Аталган факты Кылмыштардын бирдиктүү реестрине Кылмыш-жаза кодексинин 205-беренеси (Уурдоо) боюнча катталган.
Шектүүнүн дагы төрт кылмышка тиешеси бар экендиги аныкталып, учурда териштирүү иштери улантылууда.
