Ысык-Көлдүн жээгиндеги жер кыртышын бузуу фактысы аныкталды. Бул тууралуу ИИМдин басма сөз кызматы билдирди.
Маалыматка ылайык, Ысык-Көл районунун Кара-Ой айылынын тургундары, 40 жаштагы А.К. жана 32 жаштагы З.К., Жети-Өгүз районунун Липенка айыл аймагынынын түндүк тарабында көлгө чөгүп кеткен баржаны чыгарууга аракет көрүшүп, экскаватор менен жээктин жер кыртышын бузуп, казып салышкан.
Аталган факт Жети-Өгүз РИИБдин маалымат электрондук журналына катталып, жер бузуу фактысы орун алганын, же албаганын аныктоо максатында, чогулган материалдар тийиштүү мамлекеттик органына жиберилди.
Текшерүүнүн жыйынтыгы менен, КРнын мыйзамдарына ылайык чечим кабыл алынат.
