Ысык-Көл облусунда өзүн-өзү өлтүрүүгө аракет кылган кыз куткарылды. Бул тууралуу облустук милициядан билдиришти.
Маалыматка ылайык, окуя кечээ, 2-февралда Балыкчы шаарында болгон. Анда кыз сууга секирүүгө аракет кылган. Дароо нөөмөт кызматынын кызматкерлери барып, кызды бул кадамынан баш тартууну суранган. Бирок, кыз сууга секирип кеткен. Артынан кызматкер Амантур Бакиров да секирип, кызды жээке чыгарууга үлгүргөн. Андан соң, кыз ооруканага жеткирилген.
Учурда анын абалы жакшы жана бул ишке эмне себептен барганы териштирилүүдө.
