Өзбекстанда TikTok тиркесемин жабуу сунушталууда. Бул тууралуу өзбекстандык басылмалар жазып чыкты.
«Акыркы окуяларды эске алганда коомго пайдасынан зыяны көп болгон мобилдик тиркемелерди толугу менен жабуу керек. «Мындан башка деле маселер барго» дешиңиздер мүмкүң. Бирок айрыкча жаштардын аң-сезимине терс таасир этүүчү нерселердин болуп жаткандыгы бул жагдайга олуттуу кароо зарылдыгын көрсөтөт»,-деп жазылат маалыматта.
Буга чейин да «Кайра жаралуу» саясий партиясынын мүчөлөрү да аталган тиркемени толугу менен жабуу керектигин сунуштаган.
Эске салсак, Өзбекстанда 2021-жылы 2-июлда айрым коомдук тармактарга, айрыкча TikTok тиркемесин пайдалануу расмий чектелген.
