Украинанын президенти Владимир Зеленский Европа Биримдигине кирүүгө арыз жазды. Бул тууралуу ал өзүнүн Телеграм баракчасына жазып, документтин сүрөтүн жарыялады.
Ошондой эле Зеленский видео кайрылуу жасап, Украина өз жери үчүн эле эмес, бүткүл Европа үчүн күрөшүп жаткандыгын баса белгилеп, уюмга кошулууга татыктуу экендигин кошумчалаган.
Белгилей кетсек, кечээ 28-февралда Орусия менен Украинанын делегациялары Беларусиянын Гомель облусунда жолугушуп, сүйлөшүүлөрдү жүргүзгөн. Ошондой эле дагы кезектеги жолугушуу боло тургандыгы айтылган.
