Өзгөндө 23 жаштагы жигиттин өлүмүнө шектелип жаткан жаран соттун чечими менен 2 айга камакка алынды. Бул тууралуу 7-каналга Ош ОИИБден билдиришти.
Маалыматка ылайык, бир жума мурда милициядан Өзгөндө 23 жаштагы жигит киши колдуу болгонун билдиришкен. Маркумдун жансыз денеси өзүнүн үйүндө табылган. 1999-жылы туулган маркумдун баш бөлүгүндө миздүү буюмдан сокку алгандыгы аныкталган.
1-мартта Кызыл-Кыя шаарында жайгашкан мейманканалардын биринен кылмыш шектелип, мурда соттолгон 1974-жылы туулган жаран кармалып, күнөөнү мойнуна алган.
