Жалал-Абаддык жөө күлүк Гүлшанай Сатарова Өзбекстанда өткөн марафондо жеңишке жетти. Бул тууралуу Жалал-Абад шаардык мэриясынын басма сөз кызматы билдирет.
Жалал-Абад шаарындагы №1 спорт мектебинин жеңил атлетика боюнча тарбиялануучусу Гүлшанай Сатарова 27-март күнү Ташкент шаарында өткөн 4-эл аралык марафондо 1-орунду камсыз кылды. Ал 2 саат 34 мүнөт 55 секундда марага жетип келген.
Белгилей кетсек, Гүлшанай Сатарова спорттун жеңил атлетика түрү боюнча ийгиликтерди багындырган алдыңкы спортчулардын катарын толуктайт.
