Казакстандын Петропавловск шаарында жаран автобустун айдоочусун аялдамадан токтобогондугу үчүн кол көтөргөн. Бул тууралуу tengrinews.kz. жазып чыкты.
Маалыматка ылайык, окуя 8-апрель күнү саат 19:30дар чамасында болгон. Жүргүнчү токтобой калгандыгы үчүн айдоочуга жол кире акысын төлөбөстөн кол салган. Бул ызы-чуудан улам дагы бир жүргүнчү аны салондон алып чыгууга аракет кылган.
Милициянын маалыматы боюнча, айдоочуга кол салууга шектелип 67 жаштагы жергиликтүү тургун кармалган. Ага карата бейбаштык беренеси боюнча иш козголгон.
