Бүгүн күндүз Чүйдүн айрым жерлеринде, Ысык-Көл, Нарын жергесинин көпчүлүк аймагында, Ош, Жалал-Абад, Баткен облустарынын тоо этектеринде жамгыр жаап, күн күркүрөп, тоолорунда кар жаайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Ош, Жалал-Абад жана Баткен облустарында +17…+22, Таласта +15…+20, Ысык-Көл менен Нарын жергесинде +11…+16 градус жылуу болот.
Бишкекте түнкүсүн жамгыр жаайт. Күндүн табы борбор калаада +18…+20, Ошто +19…+21 градуска көтөрүлөт.
