Башкы прокурордун буйругуна ылайык, Жалал-Абад областтык прокуратурасы тарабынан Жалал-Абад шаарынын жана Сузак, Базар-Коргон, Ноокен райондорунун жалпы 17 орто мектебинин 1900 окуучусу менен тиешелүү мекемелердин жетекчилеринин катышуусунда 5 жолугушуу өткөрүлүп, анда областтык прокуратуранын демилгеси менен даярдалган “Кыйылган өмүр” аталышындагы социалдык драма областтык Барпы атындагы кыргыз драма театрынын актерлору тарабынан сахналаштырылып коюлуп берилди.
Окуучулар менен балдар арасындагы кылмыштуулук, өз өмүрүнө кол салуу, аракечтик, баңгилик, аптекалык наркомания, эрте никеге туруу жана үй-бүлөлүк зомбулук темасында эркин маектешүү жүргүзүлүп, балдарды кызыктырган суроолорго тиешелүү адистер тарабынан толук кандуу түшүндүрмөлөр берилди.Ошондой эле, жыйындын аягында активдүү катышкан окуучуларга бир нече белектер тартууланды.
Мындан сырткары, бул багытта Жалал-Абад областынын прокуратура органдары тарабынан 2023-жылдын март айында жалпы 153 орто мектептин окуучулары менен 102 жолугушуу өткөрүлүп, тийиштүү иш-чаралар жүргүзүлдү.
