Жалал-Абад облусунда бүгүн, 1-апрелде таңкы саат 5:00 чамасында очогунда күчү 5 баллга жеткен жер титирөө катталды. Бул тууралуу Өзгөчө кырдаалдар министрлиги Сейсмология институтунун маалыматына таянып билдирди.
Жер титирөө Базар-Коргон районунун Арсланбап, Косо-Терек, Кызыл-Үңкүр айылдарында 4,5 баллга, Гүмкана, Көк-Алма, Жазы-Кечүү, Жай-Терек айылдарында 4 баллга, Жалал-Абад шаарында 2, 5 баллга чейин сезилген.
Алдын ала маалыматтар боюнча жер титирөөдөн жабыркагандар жана кыйроолор катталган жок.
