Бүгүн 23-февраль – Ата мекенди коргоочулар күнүнө карата Жалал-Абад ОИИБдин мырзаларына кесиптеш айымдар тарабынан белектер тапшырылды. Бул тууралуу Жалал-Абад ОИИБдин Басма сөз кызматы билдирди.
Жалал-Абад ОИИБдин Катчылык бөлүмүнүн начальниги, милициянын полковниги Чынара Кадырова сөз сүйлөп, бардык мырзаларды бүгүнкү майрамы менен куттуктады.
Алардын иштерине ийгиликтерди каалап, учурда аткарып жаткан жумуштары жоопкерчиликтүү жана сыймыктуу экендигин белгиледи.
Өз кезегинде Жалал-Абад ОИИБдин начальнигинин милдетин аткаруучу, милициянын полковниги Нурбек Сыдыков, ОИИБдин Ардагерлер кеңешинин төрагасы, милициянын отставкадагы полковниги Капарбек Исаков жалпы мырзалардын атынан ыраазычылык билдиришти.
