Жалал-Абад шаардык Тазалык муниципалдык ишканасына таштанды ташуучу үч атайын заманбап техникалар берилди. Бул тууралуу президенттин Жалал-Абад облусундагы өкүлчүлүгүнүн басма сөз кызматы билдирди.
Маалыматка ылайык, жаңы техникаларды сатып алууга жалпы 18 млн. 150 миң сом акча каражаты жумшалган. Анын 12 млн. 150 миң сому Жалал-Абад облустук өнүктүрүү фондунан, калган сумма жергиликтүү бюджеттен каржыланган.
Бүгүн алардын абалы менен облус башчысы Абсаттар Сыргабаев, калаа мэри Эрнисбек Ормоков жана шаардык кеңештин төрагасы Нуртилек Орозбаевдер таанышып, ачкычтарын тапшырышты.
