Ноокенде алтын буюмдарын карактоо үчүн ишкердин бетине уксуз чачып качып кеткен жаран кармалды. Бул тууралуу Жалал-Абад ОИИБден билдиришти.

Маалыматка ылайык, 10-декабрь күнү Ноокен районун Кочкор-Ата шаардык ооруканасынын көз оорулар бөлүмүнөн Ноокен РИИБдин 102-телефонуна маалымат түшкөн. Анда, Ноокен районунун Кочкор-Ата шаарынын тургуну 1971-жылы туулган М.А. белгисиз жаран көзүнө уксус чачып жибергенин билдирип, Кочкор-Ата шаардык ооруканасынын көз оорулар бөлүмүнө жаткырылганын билдирген.

Бул факты Ноокен РИИБдин Маалыматтык электрондук журналына катталып, тергөөгө чейинки текшерүү иши башталган.

Текшерүү учурунда, ошол эле күнү Ноокен районунун Кочкор-Ата шаарынын борбордук баазарында жайгашкан күрөөканасына өзүнө бейтааныш жашы 30-35 жаштагы азият улутундагы бетинде медициналык бет кап кийген аял киши кирип келип, жабырлануучунун бетине уксус кислотасын чачкан. Андан соң, жанында турган сумкасынын ичиндеги жалпы базар баасы 2 000 000 (эки миллион) сомдук алтын сөйкө, цепочка, шакек, браслеттерин алып, белгисиз жака изин жашырып качып кеткен.

Кылмыш жаза кодекеснин 207-беренесине ылайык (Каракчылык) кылмыш иши козголуп, жабырлануучуга соттук- медициналык экспертиза дайындалган.

Аталган кылмышка шектелип Ноокен районунун 20 жаштагы тургуну А.А. экендиги аныкталып, ал тергөө кызматына камсыз кылынган. Шектүү күнөөсүн толугу менен мойнуна алып, сумканын ичиндеги далил-буюмдарды үйүнөн алып чыгып тапшырып берген.

Шектүүнүн колунда наристеси бар экендиги эске алынып үй камагында калтыруу боюнча чарасы тандалган.

Учурда тергөө амалдары уланууда.