Өлкө башчысынын “Жашыл мурас” өнөктүгүнүн алкагында жана Жалал-Абад шаардык мэриясы тарабынан жарыяланган 3 айлыктын алкагында шаар аймагына көчөттөрдү отургузуу, айлана-чөйрөнү, арыктарды, сел каналдарын тазалоо жумуштары уланууда. Бул туралуу Жалал-Абад шаардык мэриясынын басма сөз кызматы билдирди.
Маалыматка ылайык, Жалал-Абад шаарындагы Барпы-Сейил аллеясына “Кыргыз темир жолу” ишканасынын түштүк бөлүмүнүн эмгек жамааты 100 түп павловния дарагынын көчөтүн отургузушту. Ал эми Токтогул эс алуу багына «Элим барсынбы?» коомдук кайрымдуулук фондунун ыктыярчы жаштары тарабынан 100 түп эмен дарагынын көчөтү отургузулду.
