Жалал-Абадда жааган жамгырдан улам турак үйлөрдүн короолорун суу каптап кетти. Бул тууралуу ӨКМнын басма сөз кызматы билдирди.
Маалыматка ылайык, 15-март күнү саат 11:00 чамасында нөшөрлөп жааган жаандын кесепетинен улам кокту-колоттон чогулган суулар Жаңы-Базар, Курулуш, Кара-Ой айылдарындагы 74 турак үйдүн короолорун каптап, анын ичинен 1 турак үйгө суу кирип, 11 турак үйдү суу каптоо коркунучу жаралган.
Аталган жайга 5 куткаруучу жана жарандык коргоону кызматтарынан 74 адам тартылып, суулардын нугу бурулуп, мотопомпанын жардамы менен корого толгон суулар сордурулган.
Бүгүн дагы суулардын нугун буруу иштери уланууда.
