Жалал-Абад шаарында аз камсыз болгон, турмуштук оор кырдаалга кабылган үй-бүлөөлөрдүн балдары жана “Ак жол” реабилитациялык борборунда тарбияланып жаткан жалпы 120 бала “Луна-парк “ эс алуу жайында акысыз эс алышат.
Маалыматка ылайык, мындай саамалык Жалал-Абад шаарынын мэри Эрнисбек Ормоковдун 2022-жылдын 21-февралындагы “Социалдык адилеттүүлүктүн бир айлык өнөктүгүн өткөрүү жөнүндөгү” буйругуна ылайык ишке ашырылууда.
Жалал-Абад шаардык эмгек жана социалдык коргоо бөлүмүнөн билдиришкендей каттоодо турган 120 бала , 16-марттан 19-мартка чейин 4 күн бою акысыз эс алышат.
