Жалал-Абад облусуна караштуу Кара –Көл шаарында үрөй учурган жол кырсыгы катталып, 2 адам каза болду. Бул тууралуу ӨКМдин басма сөз кызматы билдирди.
Маалыматка ылайык, жол кырсыгы Бишкек-Ош унаа жолунун 373-чакырымында (Капчыгай тилкеси) «Хонда Одиссей» жана «Тойота Эстима» үлгүсүндөгү автоунаалардын катышуусунда болгон. Ал эми кырсыктын кесепетинен эки адам каза болуп, алты жүргүнчү жабыркаган.
“Жерине 4 куткаруучу тартылып, каза болгондордун сөөгүн унаадан чыгарып, ИИМ кызматкерлерине өткөрүп беришти. Ал эми жабыркаган жарандар Кара-Көл шаардык ооруканасына жеткирилген. Абалдары оор”, — деп берилет маалыматта.
