Бүгүн, 1-февралда, Жалал-Абад шаарындагы жалпы билим берүүчү мектептердин жана бала бакчалардын жылуулугу, санитардык абалы, балдарга берилип жаткан тамак-аштын сапатын Жалал-Абад шаарынын вице-мэри Гүлбарчын Таштанбекова баштаган атайын комиссия текшерүүгө алды.
Маалыматка ылайык, рейддин жүрүшүндө билим берүү мекемелеринде аныкталган кемчиликтерди жоюу тапшырмасы берилди. Алдыда мындай текшерүүлөр улантылат.
Белгилей кетсек, Жалал-Абад шаарында 20 мектеп, 23 мектепке чейинки билим берүү мекемеси бар.
