Бишкекте унаа айдап качкан жаран кармалганын Милициянын кайгуул кызматынын басма сөз кызматы билдирди.
Маалыматка ылайык, 20-мартта болжол менен саат 22:00 чамасында 1961-жылы туулган А.М. аттуу жаран милицияга арыз менен кайрылган. Анда ошол эле күнү Виноградный айылынын Токтогул көчөсүндө жайгашкан мончонун алдында токтоп турган “Фольксваген Тоурег” үлгүсүндөгү авто унааны белгисиз адамдар айдап качып кеткен.
Милициянын кайгуул кызматкерлери качып бара жаткан авто унаа шаардын аймагына киргенден кийин артынан кууп, Өскөн Ордо жаңы конушунан 1991-жылы туулган Ж.М. аттуу жаранды кармашкан.
Ал Аламүдүн райондук ИИБнин тергөө кызматына жеткирилген. Ошондой эле шектүүнүн жанынан белгисиз үлгүдөгү тапанча табылган.
