Президент Садыр Жапаров Кыргызстан Куралдуу күчтөрүн кантип чыңдап жатканына токтолду.
Коопсуздук Советинин заседаниясында ал белгилегендей, дуйнөдө болуп жаткан кырдаалда коопсуздукту чыңдоо зарыл.
«Акыркы 30 жылда биринчи жолу заманбап жабдууларды сатып алдык. Бул бир гана Байрактар эмес, заманбап техниканын жаңы түрлөрүн сатып алабыз. Өзгөчө кырдаалдар министрлигине 2 тик учак сатып алдык, Коргоо министрлигинин 5 тик учагы капиталдык оңдоодон өттү, мындан тышкары Ми-17 тик учактарын алууну пландап жатабыз», — деди ал.
Жапаров «Печора» зениттик-ракеталык комплексин да сатып алышканын билдирди.
2023-жылдын 1-февралында Кыргызстан модернизацияланган Печора-2 БМ мобилдик зениттик-ракеталык комплексин алганы кабарланган.
