Бишкекте Кыргыз улуттук филармонияда мамлекеттик масштабдагы экинчи Элдик курултай ишин улантууда. Курултайдын жүрүшүндө президент Садыр Жапаров курултайдын өкүлдөрү тарабынан келип түшкөн суроолорго жоо берүүдө.
Өлкө башчысы белгилегендей, келерки жылы Токмок жана Кара-Балта шаарларын өнүктүрүүгө 1 миллиард сомдон каражат бөлүнөт. Анын айтымында, ушул тапта Каракол шаары көз алдыбызда өзгөрүп жатат.
“Мунун баары туристтерди тартуу үчүн жасалууда. Ошол сыяктуу эле Токмок, Кара-Балта шаарларына да көңүл бурабыз. Ал жактагы инфраструктураны жакшыртууга каражат бөлүп жатабыз”, — деди ал.
