Министрлер Кабинетинин төрагасынын биринчи орун басары Арзыбек Кожошев Москва шаарына (Россия Федерациясы) жумушчу сапарынын алкагында Россия Федерациясынын Өкмөтүнүн төрагасынын орун басары Алексей Оверчук менен жолугушту. Бул тууралуу Кабминдин басма сөз кызматы билдирди.
Эки өлкөнүн өкмөт башчыларынын орун басарлары стратегиялык кыргыз-орус эки тараптуу кызматташтыгын соода-экономикалык жана маданий-гуманитардык чөйрөлөрдө мындан ары карай өнүктүрүү маселесин талкуулашты. Анда Бишкек шаарында Кайчылаш жылдын жабылыш аземин өткөрүү, 2022-жылдын февраль айында Москвада Өкмөттөр аралык кыргыз-орус комиссиясынын кезектеги жыйынын уюштуруу маселелери дагы каралды.
Мындан тышкары, жолугушуу алкагында Россия Федерациясынын Федералдык салык кызматынын салык башкаруу методологиясын колдонуу боюнча бетачары өткөрүлдү.
