Экономикалык кылмыштуулукка каршы күрөшүү кызматы контрафакттык алкоголдук ичимдиктерди мыйзамсыз сатуу фактысын аныктады. Бул тууралуу Финполдун басма сөз кызматы билдирди.
Маалыматка ылайык, Каракол шаарынын аймагында белгилүү бренддерден жасалма алкоголдук ичимдиктерин мыйзамсыз жеткирүү жана сатуу фактысы аныкталган.
Ыкчам-издөө иш-чараларынын жүрүшүндө Каракол шаарында «с Серебром» аталыштагы жасалма акциздик маркалары бар 400гө жакын алкоголдук продукцияны дүкөндөрдүн бирине жеткирүү менен алектенген «А.С.» аттуу жаранды кармашкан.
Аталган факт Кылмыштардын жана жоруктардын бирдиктүү реестрине катталып, сотко чейинки өндүрүш иши башталды.
