Жеңиш чокусунун аймагында жоголгон ирандык эки альпинист Мехри Жафари жана Реза Адинени издөө уланат. Бул тууралуу Тышкы иштер министрлигинин басма сөз кызматы билдирди.
Куткаруучулар тобу тик учактар менен издөө операциясын 6-августта баштаган, бирок азыркыга чейин таба албай келет.
Тышкы иштер министрлиги билдиргендей, азырынча издөө операциясынан натыйжа чыкпай жатат, буга альпинисттер түшүп кетип жоголгон (6 миңден 7 миң метрге чейинки) жердин альтитудасынын бийиктиги тоскоолдук жаратууда.
Жоголгон ирандык альпинисттерди издөө дагы уланат.
