Жер тилкелерин каттоодогу коррупциялык схемага бөгөт коюлду. Бул тууралуу УКМКдан билдирди.
УКМК тарабынан Чүй облусунун Ысык-Ата районундагы Новопокровск жана Люксембург айыл аймактарынын аймагындагы 11 гектар жер тилкелерине менчик укугун мыйзамсыз каттоо жана легалдаштыруу үчүн соттун чечимдерин бурмалоо, мамлекеттик органдардын ишин жасалмалоо фактылары аныкталды.
Жүргүзүлгөн тиешелүү иш-чаралардын натыйжасында Министрлер кабинетине караштуу Жер ресурстары кызматынын филиалынын мурдагы жетекчиси, ошондой эле жер мафиясынын уюштуруучулары кармалып, алар Бишкек шаарынын Октябрь сотунун токтомунун негизинде УКМКнын тергөө абагына киргизилди.
Учурда УКМК тарабынан жогоруда аталган фактыга катыштыгы бар башка кызмат адамдарын аныктоо боюнча тиешелүү иштер жүргүзүлүп жатат.
