Орусиянын Назарово шаарында өспүрүм кампадагы кийим-кечелерди өрттөп жатып өзү кошо күйүп калган. Бул тууралуу РИА Новости жазып чыкты.
Маалыматка ылайык, окуя ишемби күнү кечинде чоң энесинин жана чон атасынын батиринде болгон. Өспүрүм ашканадан ширенкени алып, кампага кирип буюмдарды өрттөп, өзү дагы камалып чыга албай калганы аныкталган.
Жети жаштагы баланын денесинин 98 пайызы күйүп кеткен. Түтүндүн жыты чыга баштаганда чоң атасы эшикти ачып, небересин куткарып калган. Күйүк алган жаш бала Назар райондук ооруканасына жеткирилген.
Учурда керектүү медициналык жардам көрсөтүлүп жаткандыгы айтылат.
