Бүгүн, 25-декабрда Жогорку Кеңештин илим, билим берүү, инновациялык өнүгүү жана маалыматтык технологиялар, маданият, спорт жана жаштар иштери боюнча комитетинин кезексиз жыйынында Гүлзат Исаматованы илим, жогорку билим берүү жана инновациялар министри кызматына дайындоого макулдук берүү маселеси каралды. Бул тууралуу Жогорку Кеңештин басма сөз кызматынан билдиришти
Маалыматка ылайык, анда комитет төрайымы Токтобүбү Ашымбаева баштаган депутаттар заманбап талаптарды эске алуу менен билим берүү системасын трансформациялоого багытталган атайын стандарттарды бекитүү сыяктуу орчундуу маселелер каралды.
Жыйынтыгында комитет мүчөлөрү Гүлзат Исаматованын талапкерлигин жактырып, Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин Регламенти боюнча комитеттин кароосуна жөнөттү.
