Бишкек шаарында милиция кызматкерлери жоголгон ири суммадагы акча салынган баштыкты ээсине кайтарып беришти. Бул тууралуу Ленин райондук милициясынан билдирди.
Окуя 14-февралда болгон. Кызматкерлер Эркебек Токтосун уулу жана Эламан Болотбек уулу Москва жана Фучик көчөлөрүнүн кесилишинен кара түстөгү кол баштыкты таап алышкан.
Баштыктын ичинде документтер жана ири суммадагы акча болгон. Текшерүүнүн жыйынтыгында анын ээси А.Т. аттуу жаран экени аныкталып, ага кайтарылып берилди. Маалым болгондой, баштыкта 1 миллион сомго жакын акча жана бардык документтер толугу менен сакталган.
