Жогорку Кеңеш Бишкек шаарынын мэри Эмилбек Абдыкадыровду кызматтан алуу боюнча президент Садыр Жапаровго сунуш киргизет. Бул тууралуу парламенттин жыйынында белгилүү болду.
Мындай чечим Элмурза Сатыбалдиев тарабынан көтөрүлдү. Тиешелүү токтомду 66 эл өкүлү колдоп, каршы эч ким чыккан жок.
Айрым эл өкүлдөрү белгилегендей, мэр борбор калаадагы түтүн, таштанды, башаламан имараттардын салынышы боюнча көйгөйлөрдү чечүү үчүн тийиштүү чараларды көрбөй жатат.
Ал эми, депутаттар кечээ парламентке мэрди чакырганда келбей койгон.
