Шайлоо жана референдум өткөрүү боюнча борбордук комиссиясы Жогорку Кеңештин депутатынын бош мандаты бар болгонуна байланыштуу «Ата-Журт Кыргызстан» саясий партиясынан талапкерлердин тизмеси боюнча Абдалиев Мейкинбек Акимовичти Жогорку Кеңешинин шайланган депутаты деп таануу жөнүндө токтом кылды. Бул тууралуу БШКдан билдиришти.
БШКнын токтому менен Абдалиев Мейкинбек Акимович Жогорку Кеңештин депутаты болуп катталды. Ага белгиленген үлгүдөгү ырастама жана төш белги тапшырылды.
Мейкинбек Абдалиев Равшанбек Сабировдун ордуна депутат болуп келди. Ал эми Равшанбек Сабиров президентке караштуу Инвестициялар боюнча улуттук агенттиктин директору болуп дайындалган.
