Жогорку Кеңештин Бюджет жана финансы боюнча комитети Айсулуу Тыныбекованын машыктыруучусу Нурбек Изабековго батир берүүнү Өкмөткө сунуш кылды. Бул тууралуу маалыматты жергиликтүү басма сөз каражаттары жазып чыгышты.
Маалыматка ылайык, депутат Байгазы Кенжебаев Изабековдун эмгегин баалоо жана башка машыктыруучуларды шыктандыруу үчүн бул сунушту колдоого чакырган.
“Мамлекет тарабынан батир маселесин чечип берсек, Нурбек Изабеков үй алган биринчи машыктыруучу болот. Бул башкаларды шыктандырат”, — деди депутат.
