Жогорку Кеңештин депутаттары бүгүн, 25-сентябрдагы жыйында «Кыргыз Республикасынын президентин жана Жогорку Кеңешинин депутаттарын шайлоо жөнүндө» конституциялык мыйзамга өзгөртүүлөрдү киргизүү тууралуу» конституциялык мыйзам долбоорун карап, экинчи жана үчүнчү окууда кабыл алды.
Демилгечи, депутат Дастан Бекешев белгилегендей, аталган мыйзам долбоору жашы жете электердин шайлоо процессине катышуусун жөнгө салуучу ченемдерди тактоого жана өркүндөтүүгө багытталган.
Мыйзам долбоору тууралуу Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитеттин төрагасы Чолпон Султанбекова маалымат берди.
