Праламентте айрым депутаттар мамлекеттик телеканалдарды менчикке өткөрүү маселесин көтөрүштү. Бул сунуш бүгүн, Коомдук телерадиоберүү корпорациясын «Улуттук» кылып өзгөртүү маселеси каралып жатканда айтылды.
Маалыматка ылайык, Нурлан Шакиев, Дастан Бекешев жана башка депутаттар каналдарды менчикке өткөрүү менен бюджеттин каражаты үнөмдөлүп, контенттин сапаты жогорулай турганын айтышты.
Ал эми Маданият, маалымат, спорт жана жаштар иштери министри Азамат Жаманкулов каналдарды айрымдарын менчикке берүүгө каршылык жоктугун, бирок КТРК менен ЭлТР мамлекеттик бойдон калышы керектигин билдирди.
Ошондой эле Министр мамлекеттик бардык телерадиолорду жана басылмаларды бир холдинг аркылуу башкаруу долбоору талкууланып жатканын айтты.
