Бүгүн, 2021-жылдын 11-июлунда, Жогорку соттун төрайымы Нургүл Бакирова Бишкек шаарындагы Жалил Садыков атындагы №84 орто мектебинде орун алган № 1019 шайлоо тилкесинде добуш берди. Бул тууралуу мекеменин басма сөз кызматы билдирди.
Белгилей кетсек, Бишкек, Ош жана Токмок шаардык кеңештеринин депутаттарын шайлоонун натыйжалары жараксыз деп табылгандыгына байланыштуу, жергиликтүү кеңештердин депутаттарын кайталап шайлоону өткөрүү максатында бүгүн Бишкек, Ош жана Токмок шаардык кеңештеринин депутаттарына кайра шайлоо өтүүдө.
2021-жылы 11-апрелде 28 шаардык кеңешке өткөн шайлоодо үч шаардагы добуштардын жыйынтыгы жокко чыгарылган. Бүгүн, 11-июлда өтүүчү шайлоодо Бишкек шаарында 18, Ош шаарында тогуз, Токмок шаарында алты партия ат салышат.
