Бишкек ШИИБдин Патрулдук кызматынын кызматкерлери жол кырсык катталган жерден качып кеткен айдоочуну кармады. Бул тууралуу Милициянын кайгуул кызматынын басма сөз кызматы билдирди.
Кечээ, 25-февралда саат 10:00 чамасында кызыл түстөгү «Toyota Camry» үлгүсүндөгү унаанын айдоочусу жол эрежесин бузгандыгына байланыштуу кырсык катталган, бирок ал окуя болгон жерден качып кетүүгө үлгүргөн.
«Жүргүзүлгөн иш-аракеттердин натыйжасында Махатма Ганди жана Түлөбердиев көчөлөрүнүн кесилишинде кызыл түстөгү Toyotaнын айдоочусу A.И.ни кармашкан. Кармалган жаран Бишкек ШИИБдин тергөө кызматына жеткирилген. Унаа айып короосуна киргизилген», — деп берилет маалыматта.
