AKИpress маалымат агенттигинин аймактык кабарчысы Арзыгүл Галымбетова көз жумду.
Ал кыргыз-тажик чек арасындагы чыр-чатактарды чагылдырып келген. 38 жаштагы журналисттин жүрөгү токтоп калганы айтылууда. Жаназасы бүгүн, 26-мартта саат 18:00дө «Базар башы» мечитинде өтөт.
Арзыгүл Галымбетова 1984-жылы 24-ноябрда Баткен шаарында туулган.
2009-жылы К.Карасаев атындагы Бишкек гуманитардык университетинде журналистика жана информатика факультетин окуп бүтүргөн. Эмгек жолун 2007-жылы «Эхо Манас» телерадиокомпаниясында алып баруучу болуу менен баштаган.
2007-2008-жылдары «Кыргызстан обондору» радиостанциясында кабарчы жана радио алып баруучу болгон.
2008-2009-жылдары «КТР ОБО» гезитинде кабарчы болуп эмгектенген.
2010-жылдан бери АКИpress маалымат агенттигинде кабарчы, Баткен облусундагы өкүлү болчу.
7-каналдын жамааты Арзыгул Галымбетованын жакындарына терең кайгыруу менен көңүл айтат.
